കേരള സംസ്ഥാന കർഷക അവാർഡുകൾ നിർണ്ണയിക്കാൻ പ്രത്യേക ജൂറി രൂപീകരിക്കും

സംസ്ഥാന തലത്തിൽ മികച്ച കർഷകർക്കും ഉദ്യോഗസ്ഥർക്കും കൃഷി വകുപ്പ് നൽകി വരുന്ന അവാർഡുകളുടെ തിരഞ്ഞെടുക്കൽ പ്രക്രിയ കൂടുതൽ സുതാര്യമാക്കുമെന്ന് കൃഷി വകുപ്പ് മന്ത്രി പി. പ്രസാദ് പ്രസ്താവിച്ചു. കുറ്റമറ്റ തരത്തിൽ നടന്നു വരുന്ന കർഷക അവാർഡ് വിധി നിർണ്ണയം മെച്ചപ്പെടുത്തുന്നതിനാണ് വകുപ്പ് ശ്രമിക്കുന്നത്. അതിനായി ജില്ലാതലത്തിൽ അവാർഡ് നിർണ്ണയ സമിതിയും സംസ്ഥാന തലത്തിൽ അവാർഡ് നിർണ്ണയ ജൂറിയും രൂപീകരിച്ചുകൊണ്ടാവും ഇനി മുതൽ അവാർഡ് നിർണ്ണയം നടപ്പിലാക്കുക. പൊതുജനങ്ങൾക്ക് മനസിലാക്കാൻ തക്ക വിധം കൃഷി വകുപ്പ് നടപ്പിലാക്കിയ വെളിച്ചം പദ്ധതിയിലൂടെ അവാർഡ് നിർണ്ണയ പ്രക്രിയകൾ പൊതുജനത്തിന് പങ്കാളിയാകുന്നതിനുള്ള അവസരവും ഒരുക്കും. സംസ്ഥാന തല കൃഷി ഉദ്യോഗസ്ഥരുടെ മേൽനോട്ടത്തിൽ കർഷകരിൽ നിന്നും ജില്ലാ കൃഷി ഓഫീസറുടെ ശുപാർശയോടെ സമർപ്പിക്കപ്പെടുന്ന അപേക്ഷകളിൽ വിശദമായ സ്ഥലപരിശോധന നടത്തി വിജയികളെ തിരഞ്ഞെടുക്കുന്ന രീതിയാണ് നിലവിൽ ഉള്ളത്.