കേരള സംസ്ഥാന ജൈവവൈവിധ്യ സംരക്ഷണ പുരസ്‌ക്കാരങ്ങൾക്ക് ജൈവവൈവിധ്യ ബോർഡ് അപേക്ഷ ക്ഷണിച്ചു. ജൈവ വൈവിധ്യ സംരക്ഷണ രംഗത്ത് ശ്രദ്ധേയമായ പ്രവർത്തനങ്ങൾ കാഴ്ചവക്കുന്ന വ്യക്തികളെയും കാവുകളെയും, മികച്ച ഗ്രാമപഞ്ചായത്ത് ജൈവവൈവിധ്യ പരിപാലന സമിതികളെയും (ബി.എം.സി), വിദ്യാഭ്യാസ സ്ഥാപനങ്ങളെയും മാധ്യമപ്രവർത്തകരെയും അംഗീകരിക്കുന്നതിനായി ഏർപ്പെടുത്തിയിട്ടുള്ളതാണ് പുരസ്‌കാരം. വിശദവിവരങ്ങളും അപേക്ഷയുടെ മാതൃകയും www.keralabiodiversity.org എന്ന വെബ്‌സൈറ്റിൽ. അപേക്ഷകൾ / നാമനിർദേശങ്ങൾ ഓൺലൈൻ ആയും ഓഫ്ലൈൻ ആയും സംസ്ഥാന ജൈവവൈവിധ്യ ബോർഡിൽ നവംബർ 15 ന് വൈകിട്ട് അഞ്ചുമണിക്ക് മുമ്പ് ലഭിക്കണം. വിവരങ്ങൾ ഓൺലൈൻ ആയി ksbbawards@gmail.com എന്ന ഇമെയിൽ വഴി അയക്കാം. അപേക്ഷയുടെ ഹാർഡ്‌കോപ്പി അനുബന്ധ രേഖകൾ സഹിതം മെമ്പർ സെക്രട്ടറി, കേരള സംസ്ഥാന ജൈവവൈവിധ്യ ബോർഡ്, കൈലാസം, റ്റി.സഹ 24/3219. നം. 43. ബെൽഹാവൻ ഗാർഡൻസ്, കവടിയാർ പി.ഒ. തിരുവനന്തപുരം 69003 (ഫോൺ നമ്പർ – 0471 2724740) എന്ന വിലാസത്തിൽ ലഭിക്കണം.
ഹരിത വ്യക്തി (കൃഷി ഒഴികെയുള്ള ജൈവവൈവിധ്യ മേഖല – ഉദാ: കാവ്, പുഴ, തോട്, കണ്ടൽ, കളംഉൾപ്പെടെയുള്ള ജൈവവൈവിധ്യ സംരക്ഷണം), സംരക്ഷക കർഷകൻ (സസ്യജാലം – തനത് വിളയിനങ്ങൾ), സംരക്ഷക കർഷക (സസ്യജാലം – തനത് വിളയിനങ്ങൾ), സംരക്ഷക കർഷകൻ (ജന്തുജാലം – തനത് കന്നുകാലി, പക്ഷി, മത്സ്യം തുടങ്ങിയ ഇനങ്ങൾ), സംരക്ഷക കർഷക (ജന്തുജാലം – തനത് കന്നുകാലി, പക്ഷി, മത്സ്യം തുടങ്ങിയ ജനങ്ങൾ), ജൈവവൈവിധ്യ പത്രപ്രവർത്തക /പത്രപ്രവർത്തകൻ (അച്ചടി മാധ്യമം), ജൈവവൈവിധ്യ മാധ്യമപ്രവർത്തക മാധ്യമപ്രവർത്തകൻ (ദൃശ്യ ശ്രവ്യമാധ്യമം), കാവ് സംരക്ഷണം (വ്യക്തി/ട്രസ്റ്റ്), ജൈവവൈവിധ്യ പരിപാലന സമിതി (ബി.എം.സി), ജൈവവൈവിധ്യ സ്‌കൂൾ/ വിദ്യാലയം,ജൈവവൈവിധ്യ കോളേജ്/കലാലയം, ജൈവവൈവിധ്യ സംരക്ഷണ സ്ഥാപനം (സർക്കാർ, സഹകരണ, പൊതുമേഖല), മികച്ച ജൈവവൈവിധ്യ സംരക്ഷണ സ്ഥാപനം (സ്വകാര്യമേഖല) എന്നീ മേഖലകളിലാണു പുരസ്‌കാരങ്ങൾ.